Friday, April 17, 2009

Sadhani & Hiruni Sisters


එකම අහස් කුසේ පිපී දිළෙන ඉරක් සහ සඳක් ගැන ගුණ වරුණ දැනගන්නටයි මේ සූදානම. මේ පුංචි දියණියන් දෙදෙනාගේ ඡායාරූප දිහා බලන් ඉන්න කොට ඔබගේ හිත විවිධ තැන්වල නතර වෙන බව මං හොඳ හැටි දන්නවා. මතකයි නේද මේ පුංචි මුහුණු දෙක.

මේ තරු යුග්මයේ අක්කා සඳනි. නැගණිය හිරුනි. ඒකයි මම කිව්වේ එකම අහසක නැගී හිනැහෙන, එළිය දිදුලන දෙදෙනෙක් අප හමු වන වග.

අපි මුලින්ම කතා කරන්නේ සඳනි ගැන.

රන් කැකුළු, හෙපටයිටීස් රෝගය දැනුවත් කිරීම, රින්, ක්ලෝගාර්ඩ්, ලාඕජී, කාගිල්ස් මැජික් වැනි වෙළෙඳ දැන්වීම් හරහා නිතර ඔබේ ආලින්දයට ගොඩ වන සඳනි නුගේගොඩ අනුලා විද්‍යාලයේ ශිෂ්‍යාවක්.

අපොස සාමාන්‍ය පෙළ විභාගයට පෙනී සිටි සඳනිට කලා කුසලතා හැකියාව ඇති වුණේ කුඩා වියේදීමයි.

පවර සුජිත් මාරඹගේ ගේ කැමරා කාචයේ සිත්තම් වූ සඳනිගේ රුවින් හැඩ වූ දින දර්ශන ප‍්‍රමාණය අති විශාලයි.

කුඩාම කාලයේ සිට කලාව අතපත ගෑ සඳනි රඟපෑමටත් හපනියක්. නිමල් රත්නායකගේ නිල් දිය මල් (ලතා) සරතැස නිම වී (තිලිණි) ලෙස පුංචි තිරය චිත‍්‍රනය කළ සඳනි නාලන් මෙන්ඩිස් ගේ තරු කුමරි සහ අශෝක ආතාවුදහෙට්ටිගේ සද්ගුණාකාරය හරහාත් පෙ‍්‍ර්ක්ෂක හිත් මඬල මත රංගනයේ සිතුවම් මැවුවා.

සෙලාන් ටෙරිට් රිවෝඩිස් පුවත්පත් දැන්වීම හරහා නිරූපණ ක්ෂේත‍්‍රයට පැමිණි සඳනි ඉන් නොවතී රිදී තිරයට ද පිය මැන්නා. ඒ රන් කෙවිට තුළින්.

ඉන් පසුව රෝස කැලේ වගේම ආකාස කුසුම් චිත‍්‍රපටයටත් රංගන දායකත්වය ලබා දෙන්නට සඳනිට හැකියාව ලැබුණා.

පුංචි සඳනි නිවේදන කලාවටත් උපන් හපනියක්. ඒ නිසාම ඈ දෙරණ රූපවාහිනී නාලිකාවේ ළමා නිවේදිකාවක් ලෙසටත් අප හමුවෙනවා. ඒ ටිකිරි පොකුර හරහා.

සඳනිගේ ලොකුම බලාපොරොත්තුව තමයි උගත් කලාකාරිනියක ලෙසට රටට සේවය කිරීම. ඒ වගේම අම්මායි තාත්තයි තමන්ගේ ආදරණීය චූටි නංගියයි හොඳින් රැක බලා ගන්නටත් මේ පුංචි හිතේ ලොකු බලාපොරොත්තුවක් තිබෙනවා.

සඳනිට පසුව අපි හමුවෙන්නේ හිරුනි. හිරුනිත් හැඩකාර දක්ෂතා රැසකින් පිරිපුන් සිඟිත්තියක්. අනුලා බාලිකාවේ හය වැනි වසර ඉගෙනුම ලබන හිරුනි අක්කාගේ රංගන කුසලතා දිහා කුඩා කාලයේ ඉඳලාම බලන් හිටියේ හරිම සතුටින්.

අක්කාගේ දර්ශන තලවලට ගිය මොහොතේදී හිරුනිටත් රඟපාන්නට ආසාව ඇති වූ වාර අනන්තයි.

කෙසේ හෝ අවසන හිරුනි කලා ලොවට පිවිසුණේ වෙළෙඳ දැන්වීම් හරහා. හන්ග‍්‍රි ප්ලස්, නෙස්පෙ‍්‍ර් සීරියල්, රත්ති, ක්ලෝගාඩ්, මොබිටෙල් සුවසෙත වැනි වෙළෙඳ දැන්වීම් තුළ අපූරු රංගන සහ නිරූපණ කාර්යයක යෙදෙන හිරුනි තරු කුමරි, සද්ගුණාකාරය, කින්නර දමනය, ටිකිරි හපන්නු, සඳ මට අහිමියි සහ දෙවෙනි මව් හරහා පුංචි තිරයට පිවිසුණා.

රන් කෙවිට, ආකාස කුසුම් සහ රෝස කැලේ චිත‍්‍රපට හරහා රිදී තිරයට පෑයූ හිරුනි සෙලාන්, මෙරිටි රිවෝඩ්ස්, H N B පැතුම් විමන, ශාන්ති නිවාස වැනි පුවත්පත් වෙළෙඳ දැන්වීම් සඳහා ද පෙනී හිටියා.

අක්කාගේ මඟ යන මේ ආදරණීය නැගණිය හඬ කැවීමටත් හරිම දක්ෂයි. සර්ෆෙක් සල්, ඩයලොග්, ලකී යෝගට් වැනි දැන්වීම් හිරුනිගේ හඩින් සැරසුණා.

මේ දිනවල මේ අක්ක නගෝ ඉතාමත් ජනප‍්‍රිය භාතිය හා සන්තුෂ් ගේ ‘ලංකා මාතා’ ගීතයේ චරිත මවන නිසාමයි.

ඉතාමත් දිගු ගමනකට සැරසෙන මේ ආදරණීය සොහොයුරියන් දෙදෙනා හැබෑම හපනුන්. දැන් ඔබේ හිතේ මේ දෙදෙනා රඟපෑ චරිතවල මතක සටහන් මෝදු වෙලා ඇති. ඒ තරමටම ඔවුන් දෙදෙනා අපට සමීපයි.

Sunday, April 12, 2009

Shalani Tharaka


පුංචි තිරයට පැයූ අලුත්ම තරුව ශලිනි තාරකා කියයි.

ශලිනි තාරකා සිරස කුමරිය වූ දින ඇය පිළිබඳව ඇල්මක් හෝ සෙනෙහසක් මා අත් නොවිඳීමි. එහෙත් ඇය සතු මොකක්දෝ සුන්දරත්වයක් බොහෝ රසවතුන්ගේ හදේ රැදි බව නම් මට විශ්වාසය.එය අඩු වැඩි වශයෙන් මසිතේද රැඳී තිබිණි. ශලිනි සිරස කුමරිය වුවාය. අප ඇයට සුබ පැතුම් ගෙන ආවේ අවංක සතුටකිනි.කාලය ගෙවී ගියේය.එහෙත් ඇය යලි ඩාන්සින් ස්ටාර් වේදිකාවට ආවේ පුදුමාකාර සොම්නසක් සහ සුන්දරත්වයක් රසික අපට තිළිණ කරමිනි.අප හා දොඩමළුවන්නට නිමිත්ත ඩාන්සින් ස්ටාර් පමණක් නොවේ.ඇය දැන් ජනපි‍්‍රය නව යොවුන් නිළියකි. කාගේත් ආදරයට ලක්වන යෞවනියකි.ඒ හැර පිළිසඳරට තව බොහෝ දේ වේ.සමහර දේ ඇය මට නොකියා සිටියාය. මා ද සමහර දේ ඇසුවේ නැත. මෙනිසා ඈ නොකියූ මා නොඇසූ දේ තවදුරටත් රහසක්ව පවතිනු.

‘කොහොමද ජීවිතේ’

‘හොඳයි’

‘හොඳයි කියන්නේ’

‘හොඳ හින්දනෙ ඉතින්’

ඇය හිනැහී කියන්නේ අමුතු රටාවකටය. ඒ සිනහවේ හැඩකාර කම පමණක් නොව දඟකාර කමද කටකාරකමද ඕනෑ තරම් වේ.

‘මං හිතුවෙ ඔයා හරි අහිංසක ළමයෙක් කියලා’

‘අපෝ නෑ. ඒ වගේ පෙනුණාට මං එහෙම නෑ’

‘ඒ කියන්නේ නපුරුයි’

‘ටිකක් විතර. හැබැයි මං කාටවත් නපුරුකම් කරන්නේ නෑ.

ඇය තව බොහෝ දේ කියයි. ඒ කිසිවක් නීරස නොවේ. අපේ මුල්ම හමුවීම නිසාදෝ මංදා මා ඇයට ඇහුම්කම් දුන්නේ තරමක උනන්දුවෙනි.

‘ශලිනි හිතන් හිටියේ ඔයා ඩාන්සින් ස්ටාර් වෙයි කියලා.

‘කොහෙත්ම නෑ. මට ඕනෑ වුණේ අවසන් 10 දෙනා අතරටවත් එන්න ඕනෑ කියල විතරයි. කොහොම හරි අන්තිම 6 දෙනා අතරට ආපු එකගැන මට සන්තෝෂයි.

‘අකලංක ඩාන්සින් ස්ටාර් වීම ගැන මොකද හිතන්නේ’

අකලංක අයියා ඩාන්සින් ස්ටාර් වෙනවා කියලා මමත් ප‍්‍රාර්ථනා කළා. එයා ගොඩක් හිත හොඳ කෙනෙක්. එයා හොඳට ඩාන්ස් කළා. ඒ ගැන මම ගොඩක් සතුටු වෙනවා.

එහෙත් මේ තරගාවලිය පුරා ගැහැනු ළමයින්ගේ දක්ෂතා කැපී පෙනුණ බව ඇයද කියන්නීය. ශලිනි ‘ඩාන්සින් ස්ටාර්’ තරගාවලියේ කැපී පෙනෙන නර්තන ශිල්පිනියක වුවද මේ දිනවල ඇය වඩාත් කැපී පෙන්නේ පුංචි තිරයේ තුළයි. මේ දිනවල ඇය රංගනයෙන් දායකවන ජනපි‍්‍රය ටෙලිනාට්‍ය කීපයක්ම විකාශය වේ.

‘මං හරි ආසයි ‘පූජාසනය’ ටෙලි නාට්‍යයේ මගෙ චරිතයට. ඒ වගේම ‘හංසි’ ටෙලි නාට්‍යයේ චරිතයටත් මම කැමතියි’.

‘මේ දවස්වල මොකද කරන්නේ’

‘මොකුත් විශේෂ දෙයක් නෑ’. රවීන්ද්‍ර විජේරත්න මහත්තයාගේ නාට්‍යයක් රඟපානවා.

‘එච්චරද’

‘ඔව්.ඇයි’

‘ අද කොහෙද ගිහින් ආවේ’

‘ආ... ඩාන්සින් ප‍්‍රැක්ටිස් ගියා...

මේ දවස්වල ඩාන්සින් ෂෝ වලට ආරාධනා එනවනෙ...

සිරස කුමරියෙන් පසු ශලිනි ප‍්‍රථමයෙන් රඟපාන්නේ ‘පතිනි’ ටෙලි නාට්‍යයේය.

‘කොහොමද ඒ අත්දැකීම’

‘ගොඩක් හොඳයි. මට ගොඩක් උදව් කළා. ඉතින් හරි ආසාවෙන් මම මගෙ කොටස කළා. ‘ඉසුරු භවන’ ටෙලි නාට්‍යයේදී ප‍්‍රවීණයෝ ගොඩක් අය මගෙ අඩුපාඩු කියලා දීලා මට රඟපාන්න උදව් කළා.

‘ඔයා නිළියක් වෙන්නමද හිතන් හිටියේ’

‘නෑ’

‘එහෙනම්’

‘මම ආසාවෙන් හිටියේ ලෝයර් කෙනෙක් වෙන්න. ඒත් ඉතින් ඒක හරි ගියේ නෑ.

‘තාමත් ප‍්‍රමාද නෑනේ’

‘අනේ දැන් බෑ. මට දැන් ඕනේ ගුවන් සේවිකාවක් වෙන්න...’

ඇය කියන්නේ බලාපොරොත්තු දැල්වුණු දෑසිනි. ශලිනිගේ උපන් ගම බලංගොඩය. ඇය දැන් ඇගේ මවගේ ගම් පළාත වන

මීගමුවේ පදිංචිව හිදී...ඇයට ගුවන් සේවිකාවක වන්නට සිත් දුන්නේ මීගමුවට පැමිණි පසුව බවයි ඇය කියන්නේ.

ශලිනිගේ බාල කාලය ගෙවුණේද බොහෝ සුන්දර අත්දැකීම් සමඟිනි. නටන්නට උපන් හපන් කම් ඇති වුවද නැටුම් පංතියකටවත් ඈ නොගියාය.

පුංචි කාලේ වැඩියෙන්ම කළේ මොනවද’

Films බැලුවා’ සිංදු ඇහුවා.

සිංහල Films

‘අනේ නෑ. ඔක්කොම හින්දි ෆිල්ම්.

‘ඔයා වැඩියම ආස හින්දි නළුවා කවුද’

‘ඉස්සර ෂාරුක්ට කැමතියි. ඒත් ඉතින් දැන් එයා වයසයිනේ. දැන් සල්මන් ඛාන්ට කැමතියි.

‘ආ.. තව කෙනෙක් ඉන්නවා.’

‘අපේ යොවුන් නළුවෙක්ද’

‘නෑ අනේ. සූර්යා’

ඇය සිනහවෙමින්ම කීවේ ඍජුව අප දෙස බලමිනි. ශලිනි තාරකා කලා කේෂ්ත‍්‍රයට පිවිස දැන් වසර දෙකක් පමණ ගතවී තිබේ. ගෙවී ගිය ඒ අතීත කාලය පිළිබඳව ඇය සිතන්නේ මෙලෙසිනි.

‘මට ගොඩක් සන්තෝසයි. මේ කාලයට මං ටෙලිනාට්‍ය පහක රඟපෑවා මං හිතන්නේ. මට ඒවාට සාධාරණයක් කරන්න පුළුවන් වුණා කියලා.

ඔයා චිත‍්‍රපටයක රඟපාලා නැද්ද’

‘දැන් නම් චිත‍්‍රපටයකට කතා කරලා තියෙනවා. ඉතින් මට හොඳට කරන්න පුළුවන් දෙයක් නම් මම කරනවා.’

කිසිවිටකත් වෘත්තිය රංගන ශිල්පිනියක් ලෙස කටයුතු නොකරන බව ඇය කියන්නීය. ඇගේ අදහස වන්නේ තමන්ට කළ හැකි හොඳ චරිතයක් පමණක් ලැබුණොත් එය කරන්නටය.

‘ශලිනිගෙ වයස කීයද’

‘කියන්නම් ලියන්න එපා’

ඇයි අහන්නේ...’

‘ආස නැද්ද ඉක්මනට බඳින්න’

ශලිනි ඇයට ආවේනික කටකාර දඟකාර සිනහාවෙන්ම පිළිතුරු දුන්නාය.’

‘කොහෙත්ම නෑ. මම තාම පොඩියිනේ. A/L කරන්නේත් ලබන අවුරුද්දේ’

ඔයා කැමති කොයි වගේ කෙනෙක්ටද?

ෂාරුක් ඛාන් නම් දැන් වයසයි. සල්මන්ටත් කෙනෙක් ඉන්නවානේ...

සූර්යා වගේ කෙනෙක් හොඳයි...

විහිළු නෙවෙයි ඇත්තටම අහන්නේ..

‘මට අවංකව ආදරේ කරන හොඳ කෙනෙක්. හැබැයි 5’8 ට වඩා උස වෙන්න ඕනේ.

සොඳුරු සිනහවත්, දයාබර කතාබහත් සමීප ඇසුරත් නිසා ශලිනි බොහෝ දෙනෙකුගේ සිත්ගත් තැනැත්තියක් වෙතැයි මට සිතෙයි.

රංගන ශිල්පිනියක් ලෙස දුර ගමනක් යද්දී මුල සිටම ඇයට බාධක නොවූයේත්, ඉද හිටක එන බාධකයන් ඇය සිනහවී මග අරින්නේ ඈ සතු ඒ ගුණාංගය නිසා විය යුතුය.

‘ඔයාගෙ අනාගත බලාපොරොත්තු මොනවාද?’

‘විශේෂ දෙයක් හිතලා නෑ. ලබන අවුරුද්දේ A/L කරනවා. ඩාන්සින් පැත්තෙනුත්, රංගනය පැත්තෙනුත් ඉස්සරහට යන්න තමයි හිතන්නේ.’

‘මේ ගමන එද්දි ඔයාට උදව් කළ අය මතක් වෙනවාද?

‘ගොඩක් අය හින්දයි මම අද මෙතන ඉන්නෙ. මගෙ පවුලේ අය, සිරස රසික රසිකාවන්, අනේ ගොඩක් ඉන්නවා.

ඒ හැම දෙනාම මම ආදරෙන් මතක් කරනවා.

ඇය මෙවර කීවේ තුනී වේගෙන යන සියුම් මදහසකිනි.

ශලිනිගේ අපූර්ව රංගනයත්, ඩාන්සින් ස්ටාර් වේදිකාවේ ඇය මැවූ නර්තනයත් අතීතයට පමණක් එක් නොවන සොඳුරු චමත්කාරයක්ම වේවායි අපෙගේ හෘදයාංගම ප‍්‍රාර්ථනාවයි.




Roshan Ranawana

Irosha Perera

Irosha Perera





Wednesday, April 1, 2009

Nathasha Perera Profile

Sri Lanka 2009

කලා කුසලතා සපිරි නව යොවුන් කුමරිය නතාෂා කියයි.

පුංචි නතාෂා දැන් ලොකු ළමයෙක්. ඇගේ කලා ජීවිතයට දැන් වසර දහයකුත් සම්පූර්ණ වෙලා. වසර දහයක් කියන්නේ පුංචි කාලයක් නෙවෙයිනේ. ඒ වුණාට නතාෂා පෙරේරා තාමත් පුංචි නාතාෂාමයි.ඉතින් මේ ජනවාරියේ තම කලා ජීවිතයේ දශකයක් සම්පූර්ණ කරන පුංචි නතාෂා සමඟ චුට්ටක් කතා කරන්න සරසවිය කල්පනා කළා.ඒ නිසා අපි නතාෂා පදිංචි වෙලා ඉන්න කිරුළපන එයාලගේ ගෙදරට ගියා.ඇය පහුගිය කාලේ කරපු කියපු දේවල් ඇගේ නිවසට යන ඕනෑ කෙනෙකුට දකින්න පුළුවන්. ඇය ගැන ලියවුණු පත්තර ලිපි ගේ පුරාම අලවලා. දඟ මල්ල සහ අමුතු ඉස්කෝලේ වේදිකා නාට්‍යයේ වගේම ‘දඟමල්ල’ටෙලි නාට්‍යයේත් විවිධ අවස්ථාවල ඡායාරූපවලින් නතාෂාගේ ගේ පිරිලා. දඟකාර වයසේ ගෑනු ළමයකුගේ ගෙදර තිබෙන සුන්දරත්වය ඇගේ ගෙදරත් තියෙනවා.

ඉතිං පහුගිය දවස්වල මොකද කළේ?

අම්මත් එක්ක අපි ඉස්සරහට වෙලා හිනා වෙවී ඉන්න නතාෂාගෙන් එහෙම ඇහුවාම එයා උත්තර දුන්නෙත් හිනාවෙමිනි.

පහුගිය දවස් ටිකේම පාඩම් කළා. මොකද මම විශාරද විභාගයේ පළමුවැනි කොටස කළානේ. දැන් පොඩි නිදහසක් තියෙනවා. විභාගෙ ඉවර නිසා. ඒ වුණාට විද්‍යා අංශයෙන් A/L කරන හින්දා ඒකටත් ලෑස්ති වෙනවා.

නතාෂා පෙරේරාගේ දෙවැනි සී. ඩී එක ‘ සුළං කුරුල්ලනේ’ දැන් වෙළෙඳ පොළට නිකුත් කරල තියෙනවා. ඒකට ගොඩක් ප‍්‍රතිචාර තියෙනවා කියලා ඇය කියන්නේ ගොඩාක් සතුටින්.

‘ඒකේ තියෙන්නේ ඔක්කොම ළමා ගීත. ඒක නිසා ගොඩක් හොඳ ප‍්‍රතිචාර තියෙනවා. මේ සී. ඩී එක මම කළේ අවු: 5 කට පස්සෙයි.


රෝහණ ධර්මකීර්ති සංගීතය මුසු කළ ආනන්ද රංහිඳහේවා ලියූ එඩ්වඩ් ජයකොඩි සමඟ ඇය ගැයූ සුළඟක් වී මා යනවා ගීතය ජනප‍්‍රිය ;වන්නටත් පෙර ඇය ගීත ගයා තිබුණා.

හරියටම නතාෂා සිංදු කියන්න පටන් ගත්තෙ අවුරුදු 7 දී.එතකොට නම් ඇය ගොඩක් පුංචියි. මේ ක්ෂේත‍්‍රය ගැන අවබෝධයක්වත් නැති කාලයක්. දැන් නම් ඇයට යමක් තේරුම් ගන්න පුළුවන්. පහුගිය අවුරුදු 10 තුළ ඇය ජනප‍්‍රිය ගායිකාවක් වුණා. ඒ විතරක් නොවෙයි, සම්මානනීය ළමා නිළියක් ලෙසත් ඇය ගොඩක් දෙනෙක්ගෙ ආදරය දිනා ගත්තා.

නතාෂා ගෙවිච්ච අවු: 10 ක කාලය එයාට දැනෙන විදියට අපිට කිව්වේ මෙහෙමයි.

‘මට හිතෙනවා ඒක ලොකු කාලයක්. මං මොකුත්ම දන්නෙ නැතුවයි සිංදු කිව්වේ. ඉතින් . . . ලොකු සතුටක් දැනෙනවා. ඇත්තම කිව්වොත් ඒ ගෙවුණු අවු: 10 දි වෙච්ච දේවල් හරි ලස්සනයි.

මොකක්ද අමුතු සතුටක් නතාෂාගේ ඇස් දෙකේ තිබුණා. ඇය මේ දේවල් කිව්වේ එයාගේ අම්මා දිහා බලාගෙන. ඒක හරියට මේ හැම දෙයක්ම අම්ම නිසයි කියලා කියන්න වගේ හැඟීමක්. ඇත්තටම නතාෂා ආපු ගමන් මග දිහා බලන කොට ඇගේ අම්මට ඇත්තේ අපමණ සතුටක්. නතාෂා ටිකක් වෙලා මොකක්ම කතා නොකර බිම බලාගෙන හිටියා. සමහර වෙලාවට ඇයට කියන්න හිතෙන තවත් දේ කියන්න ඇති. ගෙවුණු අවුරුදු 10 තුළ ඇයට බොහෝ දේ හිමි වුණා.

‘මට ගොඩක් දෙනෙක්ගේ ආදරය ලැබුණා. මට රඟපාන්න ලැබුණා. නිවේදිකාවක් වුණා. රඟපාලා සම්මානත් හිමි වුණා. හරි සතුටුයි ඉතින්. මට ඒක කියා ගන්න බෑ. මට දැනෙන්නේ ගිය අවු: 10 තුළ හැමදාම මොකක් හරි දෙයක් නිසා මම රසිකයන් අතර සිටියා කියලයි.

ඇගේ ගමන් මඟ දිහා බලද්දී ඒක ඇත්තක්. ළමා ගායන ශිල්පියෙක් ලෙස ඇය ජනප‍්‍රිය වෙද්දී ටික කාලයක් යනකොට වේදිකා නාට්‍ය ළමා නිළියක් ලෙසින් ඇය ජනප‍්‍රිය වුණා. ඊට පස්සේ ඇය රසිකයන් අතරට ආවේ ටෙලි, නාට්‍ය ළමා නිළියක් ලෙසින්. දැන් අපි ඇයව රූපවාහිනී නිවේදිකාවක් ලෙසින්ද දකිනවා. මේ විදියට බලන කොට ඇය ඇත්තටම වාසනාවන්ත පුංචි කලාකාරියක්.


‘දඟමල්ල සහ අපූරු ඉස්කෝලේ කියන වේදිකා නාට්‍යයත් ‘දඟමල්ල’ කියන ටෙලි නාට්‍යයත් නිර්මාණය කළ නාලක ස්වර්ණතිලක ස්වර්ණවාහිනියේදී හමු වන වෙලාවක කියපු කතාවක් මේ වෙලාවේ මතක් වෙනවා.

නාලක කිව්වේ නතාෂා ඉස්සෙල්ලට වඩා දැන් වෙනස් වෙලා කියලයි.

‘ඔයා දැන් මහත් වෙලාලු, උස ගිහිල්ලලු නාලක මාමට අඳුර ගන්නත් බැරි වුණා කිව්වා’.

නතාෂා අපි දිහා බැලුවේ හිනාවෙවීමයි. එයාගේ අම්මත් ලඟම හිටියා.

ඇත්තටම එදාට වඩා නතාෂා අද වෙනස් වෙලාද?

අනේ නෑ, එදා හිටපු නතාෂාමයි අදත් ඉන්නේ. එදාට වඩා වෙනසක් අද තියනවා නම් වයස විතරයි’

නතාෂා පෙරේරා හැම දෙනාගේම ආදරය දිනූ ළමා ගායන ශිල්පිනියක්. ඇයට පුදුමාකාර රසිකයන් විශාල පිරිසක් ඉන්නවා. ඒ අය අතර ලොකු, කුඩා, තරුණ විවිධ පිරිස් ඉන්නවා. පහුගිය කාලය පුරාම ඇයට ආපු ලියුම් මිටිය දැක්කොත් ඔයාලටත් පුදුම හිතෙයි. හැබැයි නතාෂා ඒවා විසි කරන්නේ නෑ. අම්මත් එක්ක එකතු වෙලා හැම ලියුමක්ම කියවනවා.

‘එත් ඉතින් හැමෝටම ලියන්න මට බෑනේ. මට ආදරේ කරන හැමටම මමත් ආදරෙයි. පිළිතුරු නාවට තරහා වෙන්න එපා කියන්න.

නතාෂා අපි හැමදාම දැක්කෙ ළමා ශිල්පිනියක් විදියටයි. හැබැයි ඇගේ මධුර ස්වරයෙන් ඕනෑම ගීතයක් රසවත්ව ගයන්නට හැකි බව අපි දන්නවා. ඒ ගැන ඇය හිතන්නේ මෙහෙමයි.


‘හැමදාම ළමා ගීත ගායනා කරනවා කියල මම කියන්නේ නෑ. විවිධ තේමාවලින් යුත් ගීත ඉදිරියේදී මට ගයන්න පුළුවන් වෙයි’.

සෙඳුරු රුවැති යහපත් ගෑනු ළමයෙක් නැත්නම් පුංචි ශිල්පිනියක් වන නතාෂාට හොඳින් රඟන්නත් පුළුවන්. ඇය ඉදිරියේදී ‘දඟමල්ල’ වගේ හොඳ සුන්දර ළමා නාට්‍යයක් ලැබුණොත් රඟපාන්න සූදානමින් ඉන්නවා.





Song

Tharaka - Nathasha Perera